نكت جزائرية

نكت جزائرية

أيا قالك المصري والجزائري دخلوا للمطعم وحد النهار , أيا الجزائري طلب راس
خروف مشوي ووحدة بيبسي , المصري طلب سمك وبيبسي , وممبعد شوي المصري كلا
السمك انتاعو وشرب البيبسي انتاعو وانتاع الجزائري , الجزائري قالو : وعلاش
؟؟ قالو المصري : السمك عايز يسبح, شاف معاه الجزائري وعطاه بدماغ " راس "
وقالو : حتى الخروف عايز ينطح

أيا قالك واحد تسكن قدامو وحدة ألمانية , كل صباح تقولوGUTAN TAG
معناها صباح الخير , وهو مايفهمش, المهم سقصا صاحبو واش معناها , صاحبوا
قالو معناها صباح الخير , المرة الجاية كي قالتلوا الألمانية GuTan Tag
قالها Taaaaaaaag زعمة << خيييييييييير

في ليلة كان ربعة من شبان يزطلو ورا الباطيمة وبعد مدة كمللهم الكبريت,
فبعثوا واحد منهم اليجيبلهم, أمالا راح دار على الباطيما ولاّ ليهم بعد,
قاللهم: يا جماعة ما عندكمش كبريت؟ قالوا: أقعد رانا بعثنا واحد يجيب...

واحد دخل للقهوة وقال للقهواجي: عندك قهوة باردة؟ يقولو: لا , زاد جاه غدوة
وقالو كيما المرة اللولة ورد عليه:لا, وعاد كل يوم يقولو: عندك قهوة
باردة؟ واحد النهار قال القهواجي: والله نوجّدلو قهوة باردة قبل ما يجي,
ومبعد ساعة جا الزبون وقال: عندك قهوة باردة؟ قالو: نعم, قال: سخّنها
وجيبهالي

مرة واحد نام متاخر..... لقى الحلم بدا

مرة عروبي شاف لوحةمكتوب عليها: مزرعة ابقار فسال صاحبها : كيف تزرعون
الابقار!! فرد عليه نرش سكر على التراب وثاني يوم يطلع بقر
فاخذ الرجل شكارة سكر ورشها على الارض وثاني يوم راح يشوف البقر........
فوجد السكر عليه نمل
فقال:والله البقر وهو صغير شكله حلو

كاين واحد الراجل أموشم قارة إفريقيا على كرشو, أيا واحد الخطرة مرض من
كرشو و باقية تسطر عليه بزاف
أداووه مسكين حاصل للسبيطار, كي لحق عند الطبيب, كسلوه فوق السرير و من بعد
سقساه الطبيب:
واش بيك ؟
قالو المريض: أأأأأه ه ه... كرشي دوكدور دايرا في.. حالة
نحالو الطبيب لقمجة و بدا يقلب فيه و من بعد سقساه:
وين تحس بالسطر إكزاكت ؟
قالو المريض: حدا الزيمبابوي ..!!!

واحد مرتو راح تزيد طفل قالها نسميوه خير الله
قاتلو هي اها نسميه خير الدين
كي ولدت جابت طفل صغير خلاص
قاتلو واش نسموه
قالها نسموه خير من ماكانش


واحد مسمي نفسه منشف ريق البنات علاش
؟
؟
؟
؟
من كثر مايبصقو على وجهه

واحد حب يخّوف أولاده ذبح مرتو

مرة مدرس كيمياء زاد عندو ولد سماه سامي اكسيد الكربون.معليش.

سأل المعلم تلاميذه: ما هي أخوات ان ؟ قال احد التلاميذ: إن - أن - لعل -
ليت - كيت. قال المعلم مستغربا: ومن أين كيت هذه ؟ التلميذ: من اخوات ان
ولكن من أم أخرى.

واحد العجوزة راحت تخطب لوليدها
قاتلها :ام العروسة ياك وليدك ما يدخنش؟
قاتلها: لالا يابنتي مايدخنش غير كي يكون سكران برك...........

قالك واحد تعرف على وحدة اسمها زهرة
قالها واش اسمك قالتلو اسمي موجود
في كل حديقة
قالها أســــــــــــد

قالك واحد السيد تصور بين 2 حمير(حاشاكم) وبعثها لصاحبته...وكتب تحتها
ملاحظة "راني فالوسط

واحد قال ليماه بغيت نتزوج بوحدة بيضة وطويلة وخدامة ...قالتلو شوف كاش
فريجيدار

ثلاثة أغنياء أرادا التبرع بأموال للفقراء وكان ثالثهم بخيل جدا . فقال
الاول /سوف أرسم دائرة وأرمي نقودي فالتي تقع داخلها لي و التي تقع خارجها
للفقراء . وقال الثاني /أنا أرسم خطا و أرمي فما وقع على اليمين لي وعلى
اليسار للفقراء . أما الثالث /أرمي نقودي في السماء التي تسقط لي والتي
تبقى في الهواء للفقراء

كان هناك خلاف بين رجل و زوجته و كان ابنهما يتجسس فسمع أمه تقول: ما تنساش
بلي شريتك بدراهمي يا رخيس خرج الزوج نتاعها مقلق امبعد جا وليدهم قال
لأمه : أمي صح شريتي بابا بدراهمك قالتلوا أمو : ايه يا وليدي علاه راك
تسأل فيا قاللها الإبن :علاه ما زدتيش شويا دراهم وجبتي واحد أفضل منو
ههههههههههههههه

أيا قالك هذا واحد فقير , راح طلب واحد في 10 دينار , عطاه 10 دينار وقالو
يا ولدي 10 دينار ماديرلك والو في أيامنا , قالو نروح نوزن بيها روحي عندي
يومين ماكليتش

أيا واحد خروف صقصا أمه : قالها مااااااا وين راه باااااااااا قالتلو
اتبااااااع

قالك واحد لبس كوستيمة فور , وخرج برة يمشي , دار فيها قارو نسيم , جازت
عليه واحدة شابة بزاف , خبأ القارو في الجيب وهو شاعل , المهم شعلت فيه
النار جاتو هذ الشابة وقاتلو _ خو راك تشعل _ يعني راك تشتعل ,,, قالها :
خوك ديما يشعل <<< عندبالو قالتو راك تشعل بالنظافة

أيا قالك وحدة جازت على راعي , قالتو _ عمو Bonjour بونجور _ قالها :
يبنجرك بالخير بنتي

واحد حابس حب ينتحر اركب فوق صخرا وحب يرمي روحو جا ليه واحد وقالو واش راك
حاب دير قالو ننتحر قالو اركب فوق عمارة وارمي نفسك يلا راك حاب تنتحر
قالو وعلاش راك حاب تقتلني

واحد دار عرس وعرض نساء بزاف , المهم اللي اسمها مليح كيما سارة , سوسو ,
ميمي , شاهيناز , يروحو لكار , واللي اسمها ماشي مليح كيما , خيرة ومرزاقة
والعلجة , يروحو لكاميو باش يديرو كورتاج, المهم كل ما تجي وحدة يسقصيها
صاحب العرس وش اسمك , تقولو سارة يقولها الكار , الأخرى واش اسمك ؟ , تقولو
زوينة يقولها الكاميو ,,, حتى جات وحدة قالها واش اسمك قاتلو فتيحة
ويعيطولي فاتي , قالها ديري دورة للكار وأرجعي للكاميوووووووو

واحد راح للطبيب النفسي قالو يا سيدي أصبحت أحس أنني كلب , قالو منذ متى
تعاني هذا المرض قالو منذ كنت جروا

قالك أيا واحد كل يوم يريح في القهوة ,و كل يوم تجوز عليه وحدة يشوف معاها
وتشوف معاه , بقاو على هذي الحال عام , وحد النهار شافها مع واحد راح ليها
قالها اللي بيناتنا أنسايه

أيا قالك واحد راح مصنع انتاع مركبات كيميائية , لقى صهريج فيه حمض الكلور
HCL , حب يعرف وش هو الأسيد , دخل يدو ثمة , كي خرج مالقاش يدو ؟؟؟ آو(ذابت
في الحمض ) ؟ داخ , زاد لاح يدو الأخرى وخرجها مالقاهاش ؟ أيا لاح راسو
يحوس عليهم

واحد اسمو مفتاح لما مات دارهم ماحزنوش ومابكاوش عليه,كي صقصاوهم وعلاش ؟
قالوا : عندنا الدوبل

عجوز سقصات واحد " واش تخدم "؟ قالها طبيب أطفال , قالتلو وعلاش يا وليدي
ماكنش عندك الدراهم تكمل قرايتك ؟

واحد طاح في بئر , فاتو عليه جماعة بدا يعيط عليهم : عاونوني آآآآآ ,
النجدة
الجماعة رماولو حبل , كي خرجوه صابوه ميت , علاه ؟؟ ربط روحو من
رقبتوهههههه

أيا قالك واحد قتل مرتو , داوه للمحكمة , أيا صقصاه القاضي وعلاش قتلتها ,
قالو راها تخون فيا مع صاحبها , قالو القاضي كيفاش عرفت ؟ قالو شوف بطاقة
التعريف مكتوب فيها " إمضاء صاحبها "

أيا قالك بن لادن احتجز رهائن في وحد الكهف , المريكان حبت توعيه بعثتلو
الرؤساء انتاع الدول باش يحاوروه,أيا دخل بوش للكهف باش يحاور بن لادن ,
بعد ساعة خرج بوش لابس عمامة ومسلم, أيا دخلولو ساركوزي باش يحاورو,بعد
ساعة خرج ساركوزي لابس عمامة ومسلم, أيا داخو مالقاوش اللي يقنعو,داولو
بوتفليقة , دخل بوتفليقة للكهف , بعد ساعة خرج بن لادن " نعم لعهدة ثالثة "
تحية للرئيس بوتفليقة كشما يزيدلنا في الخلصة ههههههههههه

.هذي الحكاية حكاها الرئيس بوتفليقة
وحد السيد قال لبوتفليقة : علاش ما نديروش حاجة في العلم الوطني انتاعنا
كيما في العراق دايرين الله أكبر و في السعودية دايرين لا اله إلا الله ,
قالو بوتفليقة واحنا واش نديرو ؟ قالو نديرو " الله غالب "

واحد تلاقا مع عجوز قالتلو (واش تخدم يا وليدي؟ ) قالها بيطري فقالتلو (واش
يدير البيطري ) قاللها طبيب حيوانات فقالت له ( لو كملت قرايتك ماكش هكذا)

واحد المعلمة صقصات طفل , قاتلو قول صباط , قالها " هباط " , قاتلوا صباط
ماشي هباط , قالها هباط , قاتلو صباط قالها هباط , المهم قالتول جيب ولي
أمرك , كي جا ولي أمرو قاتلو أنا نقولو صباط وهو يقول هباط قالها : حبيتيه
يقولك هابو (زعمة صابو)

واحد الطفل ديما يروح لحانوت يقولو : عندك ملح ؟ اعطيني سكر . عندك قزوز ؟
أعطيني سعيدة , يصقصيه على حاجة ويدي حاجة أخرى , المهم وحد المرة كان جايز
باباه , عيطلو مول الحانوت قالو : ولدك راه يمرضني , يصقصي على حاجة ويدي
حاجة أخرى , قالو باباه : عندك عصا ؟ قالو ايه , قالو أضربو بكف

واحد ديما يهز معاه قرلو ميت باش كي يروح للمطعم وياكل يحط القرلو في
الماكلة وممبعد يروح يشكي , يقولو مول المطعم كول باطل وما تبهدلناش , ديما
يدير هكذا , وحد المرة فاق بيه صاحبو قالو أعطيني كشما عندك قرلو ميت ,
قالو مازالي 4 نستقهوا بيهم

معلم كان يبكي جاه صاحبه معلم قالو علاش تبكي قالو خلاصلي بيدون زيت بعد
سنتين فقط , رد المعلم الثاني غاضبا : علاش كنت تغسلوا بيه ؟

.القاضي : أنتا متزوج ؟
المتهم : ايه
القاضي : بيمن متزوج ؟
المتهم : بمرا (إمرأة)
القاضي هههههه وعلاش كاين اللي يتزوج براجل ؟؟؟؟
المتهم : كاين
القاضي مخلوع : آه كاين ؟ وشكون ؟
المتهم : أختي متزوجة براجل ههههههه

.وحد القرية خدمو قنبلة نووية , نهار سمع بيهم الرئيس قالهم أعطيونا
نجربوها , نطرطقوها في كاش صحرا , قالولو لالا خدمناها هنا , نطرطقوها هنا.

قالك واحد بخيل شرا قرعة دوا حمر , ايا في الطريق طاحت تكسرت,غاضو الحال ,
راح جرح روحو ودار منها

واحد المرة دارو مسابقة علمية بين العربي والمريكاني , أيا عطاوهم السؤال
الأول ما هي أصغر حشرة في العالم ؟ الماريكاني بدا يخدم بالميكروسكوب
والأنترنت والأبحاث والحالة , المهم قالهم لقيت النتيجة أصغر حشرة في
العالم هي الزيمبا وتعيش في أذن القرد , عطاولو 10/10 , أيا جا العربي
قالولو ماهي اصغر حشرة في العالم , قالهم النيمبا , قالولو وين تعيش ,
قالهم في أذن الزيمبا

واحد حابس , جاتو الحكومة قاتلو أعطينا وثيقة إثبات ملكية المنزل , جابلهم
فوطو تاعو متصور في الحوش انتاع الدار


اتمنى لكم ضحك ممتع مع تحيات عاشق الشهادة [/size]